Навіны | Запрашаем на курсы | Універсітэт імя Ніла Гілевіча

Запрашаем на падрыхтоўчыя курсы

Прыватная ўстанова адукацыі «Універсітэт імя Ніла Гілевіча» працягвае набор на падрыхтоўчыя курсы, якія пачынаюць дзейнічаць з 24 верасня 2018 г. для вучняў старэйшых класаў (10, 11 класы), студэнтаў, а таксама для ўсіх, хто хоча ўдасканаліць свае веды і падрыхтавацца да ЦТ і паступлення ў ВНУ, па наступных прадметах: гісторыя Беларусі, матэматыка, фізіка, хімія, беларуская, англійская, нямецкая і польская мовы.

Навучанне на курсах вядзецца на беларускай мове!

Адначасова дзейнічаюць трох- і шасцімесячныя курсы. На курсах, якія будуць доўжыцца 3 месяцы, заняткі будуць праходзіць два разы на тыдзень па тры гадзіны на дзень. На курсах працягласцю шэсць месяцаў заняткі будуць праходзіць раз на тыдзень (па суботах) таксама па тры гадзіны на дзень. Колькасць навучэнцаў у кожнай групе – не больш за 10-12 чалавек.

Кожны курс уключае ў сябе тры прадметы на выбар навучэнца ў любой камбінацыі (гісторыя Беларусі, матэматыка, фізіка, хімія, беларуская, англійская, нямецкая і французская мовы). Аплата за 72 навучальныя гадзіны складае ўсяго 200 BYN (і за трох-, і за шасцімесяцовы курс).

Каб трапіць на курс, неабходна даслаць заяву і копію квітанцыі аплаты на электронны адрас універсітэта nhuniversitet@gmail.com з пазнакай “Заяўка на курсы”. Аплату неабходна пералічыць на рахунак Прыватнай установы адукацыі “Універсітэт імя Ніла Гілевіча” BY49BLBB30150193050167001001 BIC BLBBBY2X (ААТ «Белінвестбанк») УНП 193050167 з пазнакай “Плата за курсы”. Пра час і месца падпісання дамовы будзе паведамлена, на падпісанне неабходна будзе прынесці пашпарт і квітанцыю аб аплаце курсаў.

З усімі пытаннямі таксама можна звяртацца да загадчыцы курсаў спн. Эліны +375339023708

N13

N13a

1/2

падзяліцца

НАВІНЫ

Чарговы крок да пачатку заняткаў

Кіраўніцтва Універсітэту імя Ніла Гілевіча атрымала станоўчы адказ ад Рады Вучэбна –
метадычнага аб’яднання Міністэрства адукацыі Рэспублікі Беларусь па адукацыі ў галіне культуры і
мастацтваў.

Набор на падрыхтоўчыя курсы

Пачынаецца набор на падрыхтоўчыя курсы пры “Універсітэце імя Ніла Гілевіча”. Запрашаюцца вучні 8-11 класаў якія жадаюць падрыхтавацца да ЦТ і паступлення ў ВНУ, а таксама людзі сталага ўзросту і ўсе, хто хоча ўдасканаліць свае веды.

Кіраўніцтва ўніверсітэта пабывала ў Полацку

У панядзелак, 15 2018 г. кастрычніка, рэктарат Універсітэта імя Ніла Гілевіча пабываў у Полацку па просьбе грамадскасці, зацікаўленай даведацца больш пра планы і дзейнасць універсітэта.

Міжнародная канферэнцыя “Нацыянальны ўніверсітэт у 21-м стагоддзі: місія і выклікі”

25—26 лістапада 2017 года ў Мінску ў гатэлі “Crowne Plaza” (вул. Кірава, 13) прайшла Міжнародная канферэнцыя “Нацыянальны ўніверсітэт у 21-м стагоддзі: місія і выклікі”.